ذكرى استشهاد بيار.. سامي الجميل: كنت بتمنى تكون معنا وتشوف كيف بلدنا بلّش يستعيد قراره وسيادته

في الذكرى التاسعة عشرة لاستشهاد النائب والوزير بيار الجميّل، كتب رئيس حزب الكتائب النائب سامي الجميّل عبر اكس: "١٩ سنة ولا يوم كنت غايب، بس اليوم حضورك أقوى من أي يوم. كنت بتمنى تكون معنا ومع عيلتك ورفاقك وتشوف كيف بلدنا بلّش يستعيد قراره وسيادته. الطريق يللي كنت عم بتدلّ عليها: نعم للحرية، للسيادة، ولبنان أولاً. ما رح نوقّف".

وأرفق المنشور هاشتاغ "#مكملين_لنحقق_حلمك" وبصورة تجمعه بالوزير الشهيد.

حنكش: من جهته، كتب النائب الياس حنكش على "اكس": "كل سنة عم نقرّب أكتر على تحقيق حلمك".

نديم الجميل: بدوره، كتب النائب نديم الجميّل على منصة "أكس": "بذكرى رفيقي بيار الجميّل، منستذكر مناضل شرس كان من الركائز الأساسية لثورة 14 آذار، وللوحدة الوطنية يلي كسرت الهيمنة السورية ورفعت صوت الحرية. بيار باقي رمز للسيادة وللبنان الحر، ورح نبقى أوفياء لخطّه ونضاله. رحم الله بيار وسمير الشرتوني".

داغر: وكتب معاون رئيس حزب الكتائب للشؤون السياسية والانتخابية سيرج داغر عبر اكس: "انت حي فينا مش شعار. منحس فيك كل يوم و بكل شي منعملو. السنة الذكرى غير.لبنان بلا فلسطيني و سوري و قريبا بلا سلاح خارج الدولة و بلا ايراني. الدولة عم تنبنا تيصير لبنان سيد، حر، مستقل. هيدا الك انتصار و حزبك شريك اساسي فيه. انت بالقلب و العقل كل يوم حبيبي بيار.#مكملين_لنحقق_حلمك"